對江澤民退下最有睇法嘅記者，可能係有線新聞之花張寶華。寶娃當年採訪老董述職，當面問江澤民係咪欽點老董連任，搞到江澤民忍唔住發老脾鬧佢「naive」，寶娃亦憑此一役揚名中南海，之後扶搖直上。
八方噚日打電話畀寶娃，問吓寶娃對江軍委主席退下嘅意見，原來寶娃目前身在俄羅斯，正預備採訪總理溫家寶訪俄。
佢話傳江澤民退出黨權力核心已經傳咗好耐，𠵱家終於定案，當然好多國家嘅大政策，唔係取決於某一兩個人，相信國家對香港嘅政策唔會有大改。
寶娃話好希望再採訪江澤民，始終佢掌權十三年，係中國好強勢嘅領導人，雖然佢唔在位，但係對兩岸同香港都重好有影響力，話唔定佢退咗落嚟，將來有更加多機會採訪佢，到時有咁多正經嘢要講，當然唔會再講番佢發脾氣嘅小事啦！
（圖）新聞之花張寶華當年被江澤民鬧「naive」，揚名中南海。
傳真︰2623-9278
電郵︰