第五十六屆艾美獎今日舉行，呢兩日工作人員繼續喺會場布置，做好最後準備。講番今屆嘅競爭形勢，大家都睇好《人在江湖》可以擊敗強敵《白宮群英》首奪最佳劇情連續劇，而獲十一項提名嘅《色慾都市》就被預測係喜劇組別大贏家。另外，《色》劇、《老友記》同《費氏話你知》都已經播完最後一季，所以今年艾美獎亦係佢哋最後一擊。