外表斯文嘅環境運輸及工務局常任秘書長郭家強原來係大玩家一名，鐘表、墨水筆、音響等大男孩玩意佢好有心得，又愛上山下海，行遍世界名山之餘，同時擁有豐富潛水經驗。
郭家強話：「我好鍾意一個人行山嗰種寧靜，而海底係世界最後嘅邊界，可見識到平時接觸唔到嘅嘢。」其中一個令佢最深印象嘅行山經歷就係九九年剛離開新機場統籌署，趁空檔單人匹馬去馬來西亞嘅神山。當年新機場開幕出現嘅大混亂，一隻大黑鑊落喺只任職半年嘅新機場統籌署署長郭家強身上，不過郭家強話去神山唔係散心，當時亦都冇唔開心，只係因為神山太靚啫。
（圖）行遍世界名山嘅郭家強，九九年行足幾日先到達萬多呎高嘅神山。
圖片由郭家強提供
傳真︰2623-9278
電郵︰