賣嘢最緊要係有諗頭，尤其係賣樓，好似「品味王」李智康咁，唔使扮鬼扮馬着晒古裝都可以將貝沙灣賣個滿堂紅。就好似噚日咁，喺貝沙灣個售樓處搞個佳士得秋季拍賣會記者招待會，連埋講座同埋晚宴招待貝沙灣的買家，又再次輕易為呢個南區豪宅盤狂收宣傳之效。
康哥愛將顏金施話，佢哋盈科大衍之前都有幫襯佳士得，買咗幾件藝術品放喺貝沙灣個ArtGallery，今次都唔例外，會睇吓有乜好嘢買嚟畀貝沙灣嘅買家欣賞。
咁今次個「20世紀中國藝術及亞洲當代藝術」拍賣會有乜好嘢呢？原來有成七十件貨，拍賣總值逾二千五百萬港元……總之一句講晒，唔買都要睇吓啦！
傳真︰2623-9278
電郵︰