【本報訊】董建華政府失去推行政改主導權，候任立法會議員兼《基本法》45條關注組成員湯家驊批評董建華與議員會面「有姿勢無實際」，官員亦沒有履行促進中央與民主派溝通的責任，他指北京應設立機制與全體立法會議員定期公開會面，讓雙方不用猜測對方立場，盡快談妥○七、○八年政改問題。
45條關注組成員過去一年在民主派內急速冒起，選舉後中聯辦亦首先邀約會晤，湯家驊接受本報訪問時，形容會面只是禮節性「大家了解對方多啲嘅場合」，他指中聯辦不代表中央立場，會面亦未必有分化統戰作用。至於與董建華會面，他毫不客氣地說：「特區政府只係做出有姿勢無實際嘅行動，係徹底失敗嘅政治表態行為。」
他又指港府未能向北京傳達民意，令市民失望，「董建華成個管治班子，都唔係好肯履行民主派同北京溝通橋樑嘅責任，好多影響香港重大嘅議題，唔坐低傾解決唔到。」
湯家驊說，當務之急是與中央建立正常關係討論政改問題，「我希望中央，或者代表中央嘅機構，可以定期、公開同全體立法會議員見面，唔需要猜測對方立場。」他續稱，「喺政改問題上，唔可能當中央唔存在，港府已成為弱勢班子，中央角色可能要大一啲。」
他認為這樣沒有違背一國兩制，「咁做都係時勢所迫，最好當然係同港府傾，但𠵱家權力中心已轉移到北京，可能係董先生個人性格造成，回歸已經七年，形勢唔容許我哋再拖延時間。」
初入政壇的湯家驊坦言組成7.1連線參選成績麻麻「得個桔」，下屆會獨自上陣，至於45條關注組日後發展，他說：「關注組唔傾向組黨，但最為難係市民認為我哋可以（組黨）填補政治空間，如果唔做可能令市民好失望，但關注組只有四個議員，架構亦太平面化，𠵱家組黨嘅時機同條件都未具備，（組黨）一定唔係一、兩年內嘅事。」