阿董民望穩步回升，好多人話同佢呢排盡量減少公開露面有關。唔止佢，連第一夫人董太都少咗出席公開場合，大家都冇乜機會聽到佢「千祈、千祈、千祈，記得、記得、記得」呢類傳世佳句。
不過，噚日佢就以特首夫人身份去咗一個「愛心送輪椅」活動，只見董夫人今次少說話多做事，代表主辦機構耶穌基督後期聖徒教會同輪椅基金會，將二百五十張輪椅送畀香港傷殘青年協會嘅會員，收到新輪椅嘅朋友自然好開心，不斷多謝佢。董太致辭時就反而多謝番主辦單位轉頭，原來唔少收到輪椅嘅朋友都係紅十字會嘅受助人，咁董太本身係紅十字會嘅名譽阿頭，自然要禮貌周周一番。
（圖）收到新輪椅嘅朋友好開心，不斷多謝董太（右）。
曾顯華攝
傳真︰2623-9278
電郵︰