飛哥噚日出席一個論壇，論盡選後政壇新形勢，佢話好多有心角逐特首嘅人都會借助行政會議呢個賽道出發起跑，重引埋前財爺阿松中箭下馬嘅例子，說明行會將會變得「龍蛇混雜」。
飛哥話，梁錦松當日擔任財政司司長，起初民望不俗，佢亦顯露出佢嘅政治野心，佔據特首競賽最佳戰略位置，後尾重娶埋國寶做老婆，中央自然會加多佢幾分，令佢熱上加熱。
點知突然俾人爆出一單偷步買車事件，結果係點大家都知。飛哥暗示其實當日係行會其他有心角逐特首嘅人放料出嚟隊冧阿松，所以未來三年行政會議嘅爾虞我詐將會升級，大家真係可以放長雙眼睇好戲。
（圖）阿松喺爾虞我詐嘅行會被「隊」，飛出來屆特首熱門人選名單。
傳真︰2623-9278
電郵︰