無綫《星光熠熠耀保良》昨晚假紅館舉行，演出歌手除楊千嬅、張德蘭、張學友、譚詠麟和陳慧琳等外，原本演出名單上還有郭富城，但城城因為之前與某樓盤商有嫌隙，所以在獲悉昨晚《保良》又是同一樓盤贊助後，便向無綫辭演。
對此無綫製作經理黃家亮說：「我哋承認邀請郭富城，當時冇提過贊助商呢回事，郭富城話度期畀我哋，結果度度吓就話冇期，喺上星期通知我哋話演出唔到，但對節目編排完全冇影響。」對於城城因為與樓盤商有嫌隙而辭演，黃家亮說：「呢啲係佢私人事，同我哋職務無關，而今次事件亦冇影響大家合作關係。」據知無綫本邀城城擔任壓軸表演嘉賓，但昨晚已改由張學友頂上。
採訪：卓寶花
攝影：何國豪