馬丁告急催票過籠令何秀蘭落馬，問題出喺邊相信當事人心中有數，何秀蘭戰友湯家驊都大呼何秀蘭輸得唔抵，喺票站時已攬住何秀蘭安慰佢，佢同八方傾番呢仗慘痛一役時，大讚何秀蘭落選後嘅一番話大方得體，就算對住自己人時表現得幾咁唔開心，但面向鏡頭時都要撐住，輸咗選舉，唔可以輸埋氣度同形象。
反觀久經戰陣嘅楊森同馬丁，當日表現有啲出奇，楊森喺鏡頭前哽咽，馬丁就黑起口面話寧願輸得轟轟烈烈，湯家驊冷眼旁觀，佢話兩位民主黨大佬表現有啲婆媽。其實選舉有贏家自然有輸家，大可四年後捲土重來爭番口氣，唔使咁悲情吖。
傳真︰2623-9278
電郵︰