亞視劇集《我和殭屍有個約會3永恆國度》今日煞科，但卻突然傳出鹹豬手事件，女主角是過氣歌手王秀琳（Mango），男主角則是該劇主角尹天照，消息指尹天照曾在車廂內拖Mango隻手，並對她上下其手及強吻對方。
昨日記者致電Mango時她以在洗手間不便講話為由，表示稍後再傾，但之後電話便轉駁至留言信箱，但她亦一直未有回覆。
而尹天照則在電話中回應說：「我同佢只係八月尾飲過一次嘢，佢收工唔走等埋我哋飲嘢，同行重有金沛辰同陳寶轅，係我車佢去尖沙嘴，就係呢一程車，我揸緊車點非禮佢呀？件事發生咗咁耐，點解𠵱家先攞嚟講？我唔怕佢，最好叫原班人馬去番嗰間酒吧，叫埋全港記者，還我清白。」
據知Mango的戲份在八月尾已拍完，是否覺得有人博宣傳，對此尹天照說：「肯定係啦！我知佢沉寂咗好耐，想做吓新聞，但我真係好嬲，我老婆已經知道咗件事，佢都好嬲，以後如果再有機會要同佢合作，我唔會同佢講嘢。」