名模歐陽妙芝和未婚夫Steven將於年底拉埋天窗，一對準新人早前到了內地拍攝婚紗照，二人在鏡頭前手拖手表現溫馨。穿慣婚紗行天橋的歐陽妙芝，今次懷着待嫁心情披嫁衣，笑得份外甜美。
歐陽妙芝和未婚夫Steven定於十二月共諧連理，妙芝近日已開始為婚禮準備。一對準新人早前專誠到了內地拍攝婚紗照，二人在充滿田園氣息的地方手拖手漫步，任何一刻都洋溢着溫馨浪漫的場面。
妙芝和未婚夫都崇尚自然，所以挑選了大自然為婚紗照的背景。問她這次穿上真正屬於自己的嫁衣有何感覺時，她說：「同平時做嘢真係好唔同，呢次係好實在，而且同我一齊影嘅係我老公，所以我嘅笑容係發自內心嘅。」
拍攝當日天氣炎熱，有豐富模特兒經驗的妙芝亦大歎辛苦，她說：「我哋由早影到晚，尤其老公唔係影慣相，但佢一句怨言都冇，我覺得佢真係好抵讚。」當準新娘子累了，準新郎還體貼地把愛人揹起，攝影師亦即時把這甜蜜一刻留住。
妙芝自從宣布婚訊後，一班好友即答應出手協助籌備婚禮事宜，她這次到內地拍攝，單是工作人員已有九人隨行，聲勢浩蕩，妙芝說：「我今次真係要多謝呢班好朋友，佢哋有攝影師Ben、化妝師GaryChung同髮型師KelvinKoo，佢哋平時工作都好忙，但都夾埋抽時間幫我扮靚，真係好唔話得。」
採訪：比華利
