息影女星劉香萍開新戲力捧女兒貝安琪，前晚貝安琪穿上性感背心在中環睇高級時裝騷時，忽然脫鞋坐在地上示範瑜伽，成功吸引大批記者包圍，深諳出位之道。
本地名店詩韻前晚在中環香港設計中心舉行○四秋冬時裝展，盡騷旗下名牌如ChristianLacroix、GianfrancoFerre、SoniaRykiel、VeraWong等新裝，由AnaR.和陳嘉容等示範。
余安安、黃佩霞、寇鴻萍、歐陽妙芝和趙式芝等到場睇騷。息影女星劉香萍及女兒貝安琪（Ankie）結伴出席，貝安琪身穿性感豹紋小背心大談瑜伽，她一時興起，更即場除鞋、坐在地上，做出盤膝的瑜伽動作，引來傳媒包圍狂影。
昨日貝安琪到牛頭角出席化妝品活動時，透露學習瑜伽兩年，更有意學黃佩霞考取瑜伽導師牌照，她說：「我每日都做九十分鐘，喺香港會返中心做高溫瑜伽，喺美國就學HathaVinyasa，係一種有幾千年歷史、有治療作用嘅瑜伽。我覺得學咗瑜伽之後，成個人靈活晒，重可以keepfit。」
貝安琪又表示月尾將赴德國拍攝電影，而其母執導的另一套新片則會與本地男影星合作。此外，寇鴻萍則透露L16新店稍後重開，她表示花費六、七百萬元豪裝，又忙於內地店及美容品生意，所以瘦了八磅。
採訪：MaggieFung、DebbieLum
攝影：ChenWaiOn
