許冠傑（Sam）繼獲邀到澳門舉行演唱會後，近日吉隆坡方面亦成功邀得阿Sam明年一月在吉隆坡國立體育館舉行一場演唱會。據知阿Sam今次的酬金高達三百萬港元，成為歷年來香港歌手到當地演出的最高酬金紀錄。
歌神許冠傑復出在香港開個唱，反應熱烈。有見及此，各地娛樂商遂力邀阿Sam登台演出，據了解現時除了內地和澳門娛樂商外，就連吉隆坡方面亦對阿Sam有興趣，力邀他在當地舉行演唱會，酬金方面更高達三百萬，創下香港歌手到當地演出的最高酬金紀錄。
阿Sam演唱會的出品人丘亞葵昨日在電話中說：「暫定阿Sam會喺出年一月二十二號左右，喺吉隆坡可以容納八萬人嘅國立體育館開一場演唱會，我哋計劃將紅館嘅舞台搬到去吉隆坡。而阿Sam香港演唱會嘅幕前幕後班底成一百二十人，亦都會總動員過去吉隆坡幫手，所以製作費方面都好龐大。」問阿Sam的演唱酬金是否三百萬時，丘亞葵表示不便透露。
除了吉隆坡一站外，阿Sam更準備在十月香港個唱後到澳門舉行演唱會，暫定開五場。
丘亞葵對此說：「原本澳門方面想阿Sam喺聖誕檔期開演唱會，但阿Sam諗住聖誕陪屋企人，所以希望喺聖誕節前大概十二月左右開。而澳門方面想藉住阿Sam今次澳門演唱會嚟推廣當地旅遊㖭。」
丘亞葵續說：「阿Sam今次喺澳門觀光塔下面個廣場開騷，但因為露天關係，要喺廣場加圍板，工程好龐大。」
採訪：戴彩煥