名模琦琦昨日腹大便便出席名店開幕禮，夫婿任達華小心護駕。琦琦宣布已有六個月身孕，預產期在明年初，雖然她懷着小生命，仍不避忌淺嘗香檳，她更自爆初懷孕時曾跳水。
任達華和琦琦昨日以「歐米茄名人大使」身份在銅鑼灣出席歐米茄第二間旗艦店開幕，還宣布明年初將榮升父母的喜訊。他們乘坐古董車到場主持剪綵儀式外及為醒獅點睛。當眾嘉賓喝香檳慶祝時，琦琦亦不避忌地淺嘗。
已有六個月身孕的琦琦說：「我最初都唔知有咗，重走去跳水，但後來知道咗，咪留喺屋企休息。」問到琦琦究竟甚麼時候造人成功，琦琦說：「我諗係之前去泰國玩時造人成功，我哋都係喺嗰度度蜜月。BB會喺明年初出世，我哋兩個都好鍾意BB。我已經照咗BB嘅性別，但冇同華仔講，等佢有意外驚喜，不過仔女都冇所謂，最緊要健康，我照BB時見到佢隻腳好長。」琦琦續說：「我重咗十公斤（約二十二磅），重過老公。」
問琦琦丈夫送了甚麼禮物獎勵她？她說：「華仔送咗真心畀我，佢停咗一啲出埠工作之餘，重成日同我個肚傾偈，係前所未有咁溫馨。我又睇到自己嘅身體變化，肥到好開心。我有咗BB後，每日都寫日記，將自己嘅心情寫低。」琦琦還表示不會刻意要求丈夫陪進產房。
任達華表示很期待做爹哋，他說：「𠵱家好想做數碼相機代言人，等人贊助相機同BB影相。」問他會否為琦琦拍大肚裸照？他說：「發明數碼相機幾好，可以唔使出去曬相，𠵱家已經幫佢影咗啲唔同階段嘅相，亦開始睇育嬰書，同埋學煮琦琦最鍾意食嘅上海嘢。」
採訪：卓美娟
攝影：陳慧安
