上兩個禮拜，L.V.喺日本台場附近搞咗個派對，阪本龍一現場助陣，巴黎老闆亦到場贈興，場面熱鬧。正當台場這邊廂衣香鬢影，那邊廂歌舞伎町的VintageHotel某單人房內，水貨大亨袁仁祥正默默地度緊發財大計，原來BathingApe王牌鞋Manhunt再度推出巿場，祥哥與其幕後軍師祥嫂正諗計如何撲貨？據行內人透露，星期六喺南青山店發售當日，祥哥同祥嫂合力一次過掃走100對Manhunt回港轉售，其豪氣已令BusyWorkshop店員差點喺門口作九十度鞠躬送客。呢百對Manhunt，共動用咗祥哥近290萬日圓資金，約21萬港紙，如果用信用卡找數，將積分轉成飛行里數已可換張東南亞機票。香港作價每對$2,900，扣除運費後相信可為祥哥伉儷帶嚟七萬元利潤。短短個零星期就搵到一般打工仔半年人工，可見水貨行業利潤之深。不過這行並不是易賺，據講祥哥祥嫂當日即場在南青山猿人店外Pack貨，部份鞋更要拆盒放入紅白藍袋帶返酒店。長期勞碌下，祥哥已用了數不清的跌打酒，還要忍受街上日本人的白眼，難怪祥哥伉儷回港後總是如此囂張，就作為一點自我心理補償吧。
主持人：大食Jack
八卦熱報：