「係要呢類先可以馴服我」
Stephy信一見鍾情獨愛老坑

鄧麗欣（Stephy）在電影《甜絲絲》中與森美經常鬥氣，隨後更發展成情侶，充滿戲劇性，不過Stephy就表示現實中相信一見鍾情，而她更渴望可與年紀比她大的成熟型男人拍拖，就算相距十年以上亦不介意。

鄧麗欣於電影《甜絲絲》中與森美飾演一對鬥氣冤家，二人隨後由冤家發展成情侶，不過Stephy坦言現實中這樣的戀情絕對不會發生在她身上，因為她相信一見鍾情，憑第一眼感覺，已可判斷與對方是朋友或是可以發展成情侶。

入行後少人追
Stephy日前在尖沙嘴接受訪問時說：「我識一個人，如果當佢係朋友，以後都會係朋友囉，呢個心態好難改變，所以由冤家變成情侶嘅情況，唔會發生喺我身上，我相信一見鍾情嘅戀情。」
Stephy雖然只得二十一歲，但已拍過三、四次拖，不過到今日其身邊仍未出現一個真正合心水的護花使者，問Stephy現階段可有想過拍拖？她笑說：「我冇特登去諗，因為𠵱家連屋企人都冇時間去見，遇到咪拍，但因為入咗行真係少咗人追，所以唔會強求。」

成熟有安全感
問到擇偶條件？Stephy笑說：「要成熟，我唔介意佢大我十年以上，因為以我嘅性格，係要呢類大我咁多嘅男人，先至可以馴服我，同埋通常男人年紀大啲，都會好錫個女朋友，又有安全感，反而如果同我差唔多年紀嘅男仔思想都細啲，唔係咁啱我。」
採訪：馮美茵　攝影：陳偉權
髮型：Vince@IIColpo
化妝：NicoleWong
服裝：dada尖沙嘴海港城
場地：悅SignatureCuisine