何韻詩昨日正式加盟新唱片公司及簽經理人合約，同門藝人陳冠希（Edison）、杜汶澤和田蕊妮等均前來撐場。阿詩表示要寫歌答謝為她穿針引線的Edison。
何韻詩昨日在中環麗嘉酒店舉行記者會，宣布正式加盟東亞唱片集團有限公司及簽下紅館經理人合約三年，並以全新女人味形象示人。田蕊妮和杜汶澤分別送上金棒及紅色頸鏈，寓意阿詩未來大紅大紫。
今次阿詩加盟新公司是在陳冠希（Edison）穿針引線下而成事，阿詩說：「我同Edison係近年相熟，一直有留意佢工作環境同安排，今次都係佢嘅極力推介下，令到雙方一路有接觸，所以佢可以話係我媒人，我會寫首歌報答Edison。」
阿詩來年大計希望做好頭炮唱片，專注歌唱事業。對於剛加盟新公司已接了幾部電影，阿詩笑說：「好想做吓奸角，幾有發展空間，加上自己個樣又惡惡哋呢。」
記者會上，阿詩的父母都有前來支持愛女，而劉德華和鄭秀文均錄了一段短片替阿詩打氣。華仔謂希望阿詩可以獲得最受歡迎女歌手，對此阿詩說：「呢樣要好多配合，相信唔止華仔一個，好多朋友心目中都有呢個願望。」
此外，阿詩昨日接受商台電話訪問，被問到與新老闆林建岳有沒有任何承諾時，她說：「呢啲唔使講出口嘅，主要係我嘅感覺好好，最緊要係佢哋對我好有信心，對於我揀一間新公司係最緊要嘅。酬勞都合理啦。」阿詩透露將與一位新加盟東亞的女歌手合作，但當被問到這人是否舒淇時，阿詩卻即時封嘴不答。
採訪、攝影：卓寶花
