施念慈與丈夫陳鴻業正在辦理離婚手續，近日已積極重新投入工作的她，表示離婚手續已辦得七七八八，對於日後的擇偶條件是對方一定要有事業心。
施念慈日前在雅蘭中心舉行的《美容及健康產品展》中擔任化妝品嘉賓，曾經撰寫過兩本美容書的她更與現場人士分享美容心得。
施念慈與丈夫陳鴻業正在辦理離婚手續，對於陳鴻業近期頻頻與不同女伴蒲夜店，施念慈表示與他之間的關係已是過去式，她說：「離婚嘅事已經委託律師處理，大致上都搞得七七八八，對佢嘅嘢我都唔理得咁多。」
被問到可會因為婚姻失敗而對愛情卻步，她說：「日後嘅事都係隨緣，不過相信選擇另一半嘅時候會小心啲，要求亦會比𠵱家高，希望對方事業心重喇，我本身就算結咗婚都希望繼續做嘢，經濟上唔需要依賴對方，但我覺得男人有事業心係好緊要。」
施念慈表示自己目前一個人住，冷靜過後，心情已經平伏，目前亦開始埋首工作，她說：「我𠵱家寫緊本愛情小說，經歷多啲亦有助自己寫書，重有早前同有線拍嗰套《靈異偵緝檔案2》，𠵱家亦開始要宣傳，喺劇中我會做黃日華個妹，同佢合作好開心，細個睇完佢做《香城浪子》就已經視佢為偶像。」
採訪、攝影：卓美娟