古巨基早前以「奧比斯青年大使」身份，與四名學生代表到昆明進行救盲行動，以及一起拍海報。
基仔在昆明即席設計出新海報，以「飛得高看得遠」為題，他說：「我最希望可以傳達到個訊息，就係做奧比斯學生大使，眼界一定會更廣闊。有日我同啲同學陪一位做咗斜視手術嘅小朋友返屋企，一路上玩得好開心，於是諗到呢個主題。」
此外，基仔昨日到商台接受訪問，提到同一經理人公司的李彩樺欲與金牌解約，他說：「我個人唔八，唔清楚人哋嘅嘢，唔方便發表啲乜。」提到有指黃柏高（Paco）偏幫楊千嬅及Cookies，冷落李彩樺，基仔說：「唔係偏幫嘅，各人有自己嘅工作安排。金牌好似個大家庭，Paco係照顧我哋嘅家長。」
採訪：駱華齡