小賭王何猷龍嘅摩卡角子老虎機娛樂場搞得有聲有色，賭王何鴻燊睇嚟應該好滿意，所以澳門娛樂喺氹仔嘅賭場酒店都預埋小賭王一份。有份參與澳娛喺澳門賭業真係唔講得笑，所以小賭王間新濠國際一復牌，股價好似坐直升機咁，加上新濠噚日公布嘅業績終於有錢賺，兼有息派，最高興嘅當然係班新濠小股東。
不過咁都未止噃，新濠旗下嘅珍寶王國一早已經預備好精美月餅派畀股東。
新濠嘅公關同八方講，珍寶王國嘅大廚一年到晚都會好忙，因為除咗股東有月餅，新濠嘅員工每逢節日都有應節食品，難怪在場有人問，「新濠請唔請人呀？」
傳真︰2623-9278
電郵︰