要吃頓特色正海鮮，不一定要到西貢或鯉魚門，長沙灣這家街坊式小菜館，竟找到鮮活的海魚，而刁鑽如烏魚扣及大隻花竹蝦亦可嘗到，是個意外驚喜。
記者：招佩珊
攝影：蔡鴻雯
深水泥鯭、紅瓜子、老虎斑、臘腸斑、赤米蝦……老闆陳先生望着魚缸邊數邊說，「在九龍區，相信無乜邊度有咁多特色海鮮。」他經營菜館有三十多年，每日四五點，海鮮批發商的車便會把出海捕獲的海鮮送到門口，雖說來了甚麼貨便賣甚麼，但靚海鮮種類之多，可媲美海鮮酒家。
看到牆上的價目表，膏蟹$7/両、生劏海斑$10/両、海蝦$10/両，原來價錢已定實，不是「海鮮價」日日變，好讓客人「預到條數」。如此細心，皆因陳先生早在同區經營老店，今回開新店是希望街坊坐得更舒服和讓打工一族搵到餐好味「晏仔」。
花竹蝦比一般海蝦更鮮甜，食法不限於獨沽一味。可選擇一蝦兩食，例如頭部椒鹽、蝦身用茄汁煮、加豉油王煎、蒜茸蒸及上湯煮，共5種食法任配搭，而且不用收額外醬料費。
如迷你盆菜，內裏有海參、魚唇、豬腳筋及冬菇，全需花心機，連同鵝掌翼及髮菜以蠔油等調味料炆煮，海參及魚唇軟腍，豬腳筋爽口，既入味又滋補養顏。
柚皮重複浸水及榨水經3日處理，再以魚湯煮腍，步驟繁複。柚皮有多種食法，除了配蝦子或鮑魚菇外，另有柚皮扒蠔油汁鵝掌翼，腍身柚皮蘸上蠔油汁變得惹味。
鯇魚皮不夠新鮮，會腥兼滑潺潺，但這尾就非常爽脆。鮮鯇魚皮灼過後雪凍，用豉油、麻油及胡椒粉撈勻，爽口兼涼浸浸，加薑絲葱絲一齊吃，更覺鮮味。
如大腰果的便是烏魚扣，即烏魚的胃部。配以豉椒、青紅椒及洋葱同炒，入口微腥，如食蘋果般「嗦嗦聲」，味道不算吸引，但勝在少有兼口感過癮。
萬發海鮮菜館（23866816）
地址：深水埗青山道156-162A地下
營業：11:00am-4:00am
座位：150個
交通：長沙灣地鐵站A2出口
