如果放盒紙巾喺後座後尾枕，除咗「片」彎時盒紙巾會跣嚟跣去之外，急煞嘅時候重可能會一嘢「車」落後座乘客度，避免以上情況發生，最好就梗係買個紙巾套，將盒紙巾笠住「定位」之餘重可以點綴一下車廂。
呢個大象紙巾套可以掛喺前座椅背，方便後座乘客，駕駛者亦伸手就攞到。唔同一般紙巾套設計，呢個紙巾套最過癮之處，係伸出紙巾嘅位置就係象仔個鼻窿度，一張接一張嘅紙巾喺象仔條長鼻中「拉」出，真係可愛到爆。除咗粉藍色嘅象仔外，重有另一款粉紅豬仔款式，而紙巾嘅出處，當然都係佢個豬鼻啦！
記者：馬慶武 攝影：楊錦文
金聲汽車音響精品（27705668）
地址：旺角山東街69號地下