有準業主委聘室內設計工程公司負責單位的裝修工程，她不滿付了首兩期費用後便「冇人開工」，且有家具出現尺寸不符情況，亦超出預算完工日期。有關公司否認拖延，推指因被負責冷氣工程的另一公司拖慢工程；負責冷氣工程的公司則稱對方「冇開工」、「入行咁耐甚少見咁爛尾法！」
「事前講明分期付款，四十日完工，但畀咗四萬幾蚊都做唔到一半，有家具又唔啱尺寸，兼遲咗幾個月都重未起貨，我可以點？」面對眼前「家不成家」的新居，梁太不禁大歎倒霉。
梁太稱，五月她委託灣仔依高室內設計工程公司，為其單位進行裝修工程，雙方於5月26日落實合約，列明施工期為四十個工作天，分五期付款。梁太繳付首兩期費用共四萬三千元，並已確認選料及圖則；第三期應展開泥水及木工，完成後始須交此期費用，但她指第三期仍未竣工。
梁太指，她繳交首兩期費用後，該公司竟拖延工程，甚少到其單位「開工」，而該公司所造的家具，亦出現尺寸不符情況。
記者九月初到訪梁太於天水圍的單位，確一片凌亂，隨處可見裝修材料。梁太向記者展示一件已完工的收摺式拉床，每放下拉床，睡房門便難以開關，預留作開關房門的位置明顯不足。
「佢哋話度尺寸時我哋都在場，所以問題唔在於佢哋；但佢哋係專家，梗係信佢哋，點估到最終效果係咁！」
梁太指他們經常「唔見人」，工序超出預算日期，有違約之嫌，故要求對方盡快完工，但該公司多次不予回覆，她曾發律師信亦無回應，故向本報求助。
依高室內設計工程公司發言人林先生回應本報，否認拖延工程，亦沒有違反合約。林先生稱，梁太對工程要求非常嚴格，且她又另聘工程公司負責冷氣及魚缸工程，由於此等工程不能與他們的裝修工程同時進行，「個冷氣喉工程拖咗我哋成大半個月，我哋因為咁先搞到遲晒唧！」
林先生強調，梁太與負責冷氣及魚缸工程的公司於意見上有爭拗致拖慢進度。林先生否認沒有回覆梁太，並稱所有家具均依其意思所造，亦全已起貨，只待她付第三期款項始肯繼續工程，「佢再唔肯畀錢，公司都可以出律師信畀佢！」
負責該單位冷氣及魚缸工程的宏達水族工程，其發言人梁先生坦言，「公司同梁太絕對冇拗撬！入行十幾年，都好少見咁樣嘅爛尾工程，經常冇人開工；搞到我哋都做唔到嘢！」
梁先生指出，他們原本先安裝冷氣喉管，之後才可安裝魚缸，惟施行這工程前，必須待依高公司進行鑿牆後始能開始；但依高一直拖延，又沒回覆，故最終等候兩個多星期才可安裝喉管。
梁先生續指，冷氣喉管現雖已安裝，惟又要等依高放置好家具後才能安裝魚缸，「我哋一成都未做得起，日日就喺度等；再咁拖落去，我都唔知幾時先完到工收錢！」
（○九○一○三五）
服務熱線
電話：29908288
傳真：23702192
電郵：
