劉德華前晚尾場個唱，邀來葉德嫻做嘉賓，乒乓孖寶李靜和高禮澤亦到場支持，在慶功宴上華仔透露近日膝頭痠痛，可能是尿酸過多，醫生勸喻他不適宜做太大運動量的活動。
劉德華前晚在紅館舉行尾場演唱會，到場觀看的包括有「乒乓孖寶」香港奧運乒乓男雙銀牌得主李靜和高禮澤等，葉德嫻任表演嘉賓。
葉德嫻表示是華仔Fans，並要求站在升降台上，但她只待升降台升高少許便即說：「我年紀大，夠高嘞。」其後她獻唱了《赤子》和《明星》，華仔出場即說：「我冇當佢係嘉賓，一直當佢係親人。」
歌迷在上台獻花時，有歌迷遞上一張紙，華仔當眾讀出，原來歌迷想他做六合彩先生，華仔說：「我有買二十張六合彩，如果中咗分畀大家，開多四場請大家睇。」而開彩過後，華仔在台上讀出開彩結果，不過他只中了一個字。
華仔其後望住台下的「乒乓孖寶」說：「所有運動員都要支持，唔通攞銀牌就唔係運動員咩？我唔似人哋咁有錢，但如果你哋冇sponser，都可以搵我。」
接着華仔又感謝觀眾和朋友，他說：「我瘦到成棚骨咁，啲人又讚我大隻有腹肌，塊面皺晒又話我靚仔，呢啲就叫做愛啦，有咁多愛使乜中六合彩。我今晚企喺度，有好多朋友為我做嘢，呢種福氣唔係個個artist都有，我希望大家感受到。」語畢華仔一度熱淚盈眶。
在慶功宴上，華仔透露早前覺得膝頭痠痛，估計是因為尿酸過多，所以已預約做身體檢查，華仔表示醫生曾叫他多休息，又指他這個年紀不宜做太高運動量的活動，做完巡迴演唱後，華仔將於下月做物理治療。
採訪、攝影：胡比、葉君海
