立法會選舉出咗咁多問題，林D9當然要留港補鑊，所以噚日臨時決定取消廣州之行，改由鬍鬚仔曾俊華頂上，同煲呔今日一齊去開泛珠三角省會城市市長論壇。
另外，7.1連線喺新東雖然攞到十六萬八千八百三十三票，但係都不足以取四席，黃成智舊年選輸咗區議會，今年又輸埋立會議席，民主黨中人都為佢嘅生計周章，鄭家富話，希望啲兄弟可以幫佢搵番份社工之類嘅工作。
民主派今次選舉工程做得差勁，一定要檢討，特別係鑽石名單嘅作用，睇嚟喺新東冇乜效用，反而掣肘咗宣傳經費，唔敢亂使錢，好似有啲政黨有錢做票站調查，第一時間掌握選情，佢哋就冇錢做。
阿富認為問題係臨立會當年取消咗單議席單票制，改成比例代表制種下嘅禍根，搞到個投票制度咁複雜。
傳真︰2623-9278
電郵︰