中國首位太空人楊利偉噚日喺北京出席以佢為題材嘅劇集《神舟》記者會，楊利偉重專程為劇組帶嚟一尊名為「圓夢」嘅雕塑作為開機禮物，楊利偉為新劇送上祝福，佢話：「希望攝製組圓滿拍攝成功，期待全國觀眾能看到我們中國人的『圓夢』過程。」
而今次呢套三十集嘅《神舟》，係以楊利偉同其他宇航員為題，全劇都會喺酒泉衞星發射基地拍攝，真正嘅控制中心、模擬艙、訓練箭亦都會破例向劇組開放，但係演員方面就正在挑選中，劇組會喺嚟自專業體校、軍隊等嘅候選五十人中選拔，之後重需要接受真實嘅航天員訓練。
（圖）楊利偉（右）出席以佢為題材嘅劇集《神舟》記者會，佢手上拎住嘅，係叫「圓夢」嘅雕塑。
仇志中攝
傳真︰2623-9278
電郵︰