人稱「胡官」的選舉管理委員會主席胡國興，早於前朝九三年已擔任選區分界及選舉事務委員會主席，九七年回歸後再獲委任選管會現職，可說經驗豐當。不過今次立法會選舉，胡官選前先公開叫選民投白票，整個選舉安排又一塌胡塗，外界出現要求他辭職的聲音，但胡國興堅持「辭職係後話，在我嚟講唔重要」，最重要是先調查，再向公眾交代。
胡國興現任高等法院上訴法庭副庭長，前朝港英政府成立選區分界及選舉事務委員會，即委任胡出任主席。九七年九月，獲特區政府委任為選管會主席，到○三年任期屆滿後再獲特首續任，任期到○六年屆滿。
胡國興一直予外界獨立及公正嚴明形象，但今次立法會選舉前夕，過往一直表示不鼓勵選民投白票的胡國興，突然公開說為了提高投票率，若選民找不到合適人選，可以投白票履行公民責任，事後遭外界批評。
面對立法會選舉錯漏百出，胡國興最初仍「死撐」，到昨日立場終於軟化，願意道歉，但他仍堅持出錯地方不是很多，「你話呢個選舉咁多出錯，實情又唔係，真正錯都係唔夠票箱。」
對於外界要他辭職負責，胡國興認為，請不請辭是後事，並不重要，「辭職在我嚟講唔重要，我嘅委任係到二○○六年，其間冇大型選舉。」他認為最重要的是先調查好有關情況，向公眾作一個交代，若他現在請辭，「咁樣邊個去做呢啲事？呢啲並唔係咁容易做嘅事。我哋係對選舉安排最有知識嘅人。」
本報記者
