政府高官退休之後，成為大企業羅致嘅對象。前貿易發展局總裁施祖祥，曾任憲制事務司，幫肥彭搞政改，後來離開政府加入貿發局。佢今年退休，但仍活力十足，除咗做公職，剛剛獲英資嘅太古委任為獨立非常務董事，任期由十一月一日起生效。
五十九歲嘅施祖祥，六九年入政府，一做二十七年，離職時官拜公務員事務司，係優秀人才；後來又喺貿發局工作達八年之久，先後經歷馮國經同吳光正兩個時代，其間積極向海外推銷香港，人脈甚廣，八方估計，太古係睇中佢喺呢方面嘅優勢。
講開高官，曾經做過司級高官，又做過港交所行政總裁嘅鄺其志，自從年中離開新昌去做製衣後，陸續辭去新昌系內公司嘅重要職務。新昌管理噚日就公布，鄺其志停任該公司副主席，只擔任非執行董事。
傳真︰2623-9278
電郵︰