有勞斯詹之稱嘅詹培忠，大熱勝出，重返立法會成為議員。詹系股份呢兩日輪流炒高，賀佢重返政治舞台。前日佢做第二大股東嘅「駿雷國際」，單日股價升咗兩成半，但噚日跌番七個巴仙，兩日埋單，隻股都升咗一成七，以老詹揸住三億六股計算，帳面賺咗七十三萬。
老詹喺駿雷係第二大股東，佢喺「北方興業」同埋「建星環保」就做大股東。北方興業喺前日都有賀老詹當選，股價升咗一成七，噚日無升跌，兩日埋單，帳面賺二百六十萬。建星由老詹個仔詹劍嶠做大股東，老詹自己做第二大股東，兩仔爺揸住八成股權，噚日連呢隻創業板股份都升三個巴仙，帳面賺三千二百萬。呢次立會選舉，老詹可謂名利雙收。
傳真︰2623-9278
電郵︰