洪天明前晚有份錄影無綫遊戲節目《繼續無敵獎門人》，曾志偉和錢嘉樂以徐子淇現任富豪男友、恒基二少李家誠做話題，不停揶揄洪天明，洪天明聽後全無反擊之力。
曾志偉、錢嘉樂和林曉峰主持的無綫遊戲節目《繼續無敵獎門人》前晚在無綫將軍澳電視廣播城錄影第一集，嘉賓包括鄭丹瑞、伍詠薇、洪天明、杜汶澤和田蕊妮等。
杜汶澤出場時，他簡單向觀眾介紹自己，曾志偉卻不滿地說：「乜你講嘢咁簡短，好似李嘉誠張卡片，淨係印住佢個名。」由於眾人不停以洪天明舊愛徐子淇和恒基二少李家誠為話題，所以誤會志偉口中的李嘉誠是子淇男友李家誠。
志偉即解釋說：「我唔係講嗰個李家誠呀，我應承天明今晚唔講子淇啲嘢，嗰個係『小李嘉誠』。」錢嘉樂又說：「天明都想小李家誠好耐。」大家七嘴八舌勁寸天明，他卻一句都沒有還擊。
對於成為嘲笑對象，天明事後接受訪問時說：「冇乜所謂，大家開心，咁多年都習慣咗，玩得唔過份都冇所謂。」對於錢嘉樂指天明最想「小」李家誠，天明說：「唓，佢講啫，我費事出聲啦，費事講者無心，聽者有意，你哋（指記者）去問番佢哋做乜成日講我。」
而其中一部份名為「鬥快食」的遊戲，嘉賓分組鬥快食餅乾，然後伸脷爭吃一片紫菜，極不衞生。《獎門人》將於二十六日首播，對於揶揄李家誠的片段是否需要刪剪，該節目監製陳志球說：「我要睇番playback先決定，希望盡量剪到可以出到街，保持節目氣氛。」
採訪：卓寶花 攝影：葉君海
