四十六歲嘅米高積遜（MichaelJackson）雖然預計下年一月先會出庭，為佢個單性侵犯男童案辯護，不過佢十一年前嗰單孌童事件近日又俾人挖番出嚟講，皆因當年事件嘅男童個阿叔最近推出一本新書《AllThatGlitters:TheCrimeandtheCover-up》，大爆當年米高鮮為人知嘅醜聞。
呢位阿叔近日喺NBC一個節目《Dateline》入面爆料，而且重得到受害男童個阿爸同意，播番佢講米高嘅一段錄音。原來受害男童個阿爸話當初覺得米高冇傷害性，阿爸話：「佢（米高）好天真，根本冇嘢好驚，你將佢嘅為人同佢個樣拼埋一齊，你會為佢好難過。」不過後來佢就開始對米高起疑心。
阿叔亦提到男童阿爸發現米高侵犯兒子後冇去報警，因為佢怕報警之後會公開事件，而且因為唔同控方合作，所以有關方面拒絕為佢哋提供證人保護安排。而米高搞完個男童後，亦送咗好多禮物畀佢成家掩住佢哋把口。
另外，米高前妻黛比（DebbieRowe）近日接受電視訪問時透露，話好驚以後再搵唔到佢心中所愛，佢最恐懼嘅事同米高以及兩個仔女有關，但因為簽咗保密協議唔講得。