新一屆立法會塵埃落定，連埋重返議會嘅詹培忠，一共有二十位新丁，包括馬力、鄭經翰、梁家傑、張學明、梁國雄、湯家驊、李國英、譚香文、郭家麒、李國麟、劉秀成、鄺志堅、王國興、張超雄、方剛、林偉強、林健鋒、梁君彥同埋黃定光。
為咗迎新，立法會已經定咗喺下個星期一至星期三，開辦一個兩日半嘅立會入門課程，帶啲初入大觀園嘅新議員遊吓花園，學吓規矩，門口守衞今次見到長毛，記得行番個禮，因為今時唔同往日。
咁金勞詹係舊生，上唔上堂冇乜所謂，大班就慣咗搶咪，最近連長毛都學埋，可能秘書長馮載祥就要提吓佢哋要守秩序，否則就佢哋三個講晒，其他人冇得講。八方問立法會會唔會有禮儀課上，佢哋笑話梗係冇。
傳真︰2623-9278
電郵︰