劉德華前晚在紅館繼續舉行個唱，張學友則擔任嘉賓，並選唱了《她來聽我的演唱會》送給華仔，後來兩人又合唱了《大地恩情》。
華仔在台上說：「我一直想請學友做演唱會嘉賓，但唔知佢肯唔肯嚟，所以咁多年嚟只有今年夠膽問一問，諗唔到佢答應。」學友聞言笑說：「你點解唔一早叫我？我想嚟好耐！」
華仔又大讚學友唱功出色，學友聽完即回贈高帽給華仔說：「其實講真嘅，華仔你係我真正嘅偶像，你真係鐵人一個，喺呢個圈度工作態度積極，絕對係第一名，我記得後生時經常想停落嚟，休息一吓，但望住前面嘅劉德華，無處不在，我以為你頂多努力兩年，但直到今日，你依然係最受歡迎男歌手，今日啲後輩要睇前輩點樣立足娛樂圈，就應先睇睇華仔。」
