和黃集團籌備分拆和記電訊國際嘅上市工作，正如火如荼，今個星期五喺香港做完推廣後，就會展開為期兩周嘅路演，向國際投資者推介。
集團分拆業務，和黃大班霍建寧自然好鬼緊張，就好似仔女長大成人，自立門戶一樣。
世事又係咁巧合，八方噚日睇《南早》「利是」專欄，話霍大班個大女霍尚欣近期加入咗高盛證券，喺企業融資部度返工。聽講話佢其中一個assignment就係負責推銷和記電訊國際。
呢位霍家千金，非常猛料，之前喺香港山頂嘅GermanSwissInternational讀中學，畢業後就去咗英國劍橋讀書，剛剛讀完大學，就獲美資大行高盛羅致，的確前途無限；而高盛亦好識用人，放佢做呢個位，有咁多世叔伯關照，唔使愁啦。
（圖中）霍尚欣劍橋畢業就入大行，前途無限。
傳真︰2623-9278
電郵︰