魚缸套裝一買即養唔使煩
香港人雖然生活緊張繁忙，但也懂得自我放鬆。唔少人看着魚兒游來游去的時候，心境就會獲得恬靜，所以今時今日雖然娛樂眾多，但養魚仍是不少人的嗜好。很多人以為養魚入門甚艱難，又要買燈，又要買過濾器，配件一大堆。其實𠵱家唔少魚缸都以套裝形式發售，一次過有齊魚缸和全套配件，一買就用得。
記者：張穎麟
攝影：蔡鴻雯
Model：Don
套裝魚缸設計先進
市面的套裝魚缸，外觀整齊歸一，而且有埋燈和過濾器，而且唔少都係由大廠一手做齊，技術愈來愈先進。唔單止採用彎缸設計，連過濾器都用上生化過濾，最適合養珊瑚魚和水草魚。
至靚推介：急彎缸視線無阻
尺寸：77×33×87cm
傳統魚缸大多用上直角設計，玻璃接口位多，難免會影響視線。新一代的魚缸就用上急彎設計，好似呢個美國Eclipise的高身急彎缸，只用上兩塊玻璃組成，缸身夠大，最啱放入珊瑚礁作布置。
售價：約$2,480(b)
珊瑚魚首選：生化過濾效能佳
尺寸：61×33×56cm
還記得在電影《海底奇兵》內，毛仔差點被魚缸中的生化輪夾親的一幕嗎？原來那個生化過濾器就係出自呢款美國馬龍魚缸，過濾效能遠勝一般棉花及活性炭過濾，適合飼養珊瑚魚和水草魚。
售價：約$1,488(b)
魚糧都包埋
尺寸：24.4×18.5×31.5cm
小朋友想學養魚，呢款魚缸就最啱用。不但包裝吸引，更包齊過濾器、氣泵，就連魚糧都有埋，就算未養過魚都唔使為買配件而費神。缸仔細細，價錢唔貴，買畀小朋友啱晒！
售價：約$100(d)
高身設計可放餐枱
尺寸：35×25×30cm
完全係向高發展的魚缸，Size細細，對於小家庭來說，可放在書枱或餐枱上，感覺不會突兀。濾水器、燈、溫度計以至魚糧亦一應俱全，毋須再為購買設備而煩惱。
售價：約$270(c)
六角形最有Style
尺寸：45.8×41×51cm
六角形魚缸較為罕見，看起來冇傳統的四四方方魚缸咁死板，放喺客廳絕對是上佳的點綴品。缸身有51cm高，放高身的珊瑚作點綴，夠晒美觀。
售價：約$350(c)
迷你魚缸啱養魚初哥
自問是養魚初哥，屋企地方又有限，唔想貿貿然攞幾百蚊又或幾千蚊買缸的話，不妨試試以下介紹的迷你魚缸。既可一試養魚滋味，又唔阻地方，放喺辦公桌就最啱！
瀑布式過濾器
尺寸：45×28×30cm
呢款日本彎缸，Size較細，適合一般香港家庭。其配件中的波蘭濾水器，採用瀑布式設計，過濾效能比一般頂置式強得多。另外，更有11W缸頂超白光燈同迷你溫度計。
售價：約$340(c)
觀賞角度高
尺寸：43×24×48cm
採用彎缸設計外，其弧度更接近圓形，大大增加觀賞角度，高身設計亦適合作出各種布置。配件包括光管，海綿、活性炭過濾、生物球等過濾設備。
售價：約$288(d)
四色任擇
尺寸：38.1×25.4×38.1cm
大部份魚缸頂蓋都只係黑色，難得呢個AquariumTank的魚缸還有炭、金、銀共四色任擇，適合配襯各種室內設計。缸頂濾水加濾材，以及光管等套裝標準設備，亦一應俱全。
售價：約$228(d)
瓦缸形當裝飾點綴
尺寸：20×21cm
瓦缸形的魚缸一樣大受年輕人歡迎，其闊度和高度比較平均，不論放在櫃內當擺設，還是在魚缸內放入布置，都較易就位。
售價：約$75(a)
養細魚最啱
尺寸：23×31cm
大大個酒杯魚缸仍可以加裝迷你濾水器，唯一係加燈比較困難，配套未算齊備，不過養細魚就冇問題。
售價：約$88(a)
正方形易就位
尺寸：15×15×15cm
這款正方形魚缸，縫接位沒有膠邊，夠美觀外，形狀亦易就位，放喺牆角啱啱好。美中不足係只得一個Size，想養較大條嘅魚都唔得。
售價：約$38(a)
元寶形魚兒多空間
尺寸：22×16cm
圓形、酒杯形又或瓦缸形魚缸的缸口位都較窄，換水換擺設都冇咁方便。所以有人會喜歡元寶形的魚缸，除缸口夠大之外，整個缸都比較闊身，魚兒空間較多。
售價：約$48(a)
魚缸必備配件
除非你選購套裝魚缸，否則就要為魚缸添置其他配件，而燈和過濾器就絕對不能缺少。現時的過濾器同燈，除了向高效能方面發展外，亦趨向愈來愈迷你，讓一眾初學者，就算買細缸養金魚時都一樣能享受自己配搭部件的樂趣。
曲線勝在夠靚
尺寸：20×5×13cm
呢款玩曲線的魚缸，實用性唔大，只可養到細細條嘅燈魚，高而窄的設計，亦令空間大大減少。但用來當作擺設的話，就絕對美觀，加埋布置的話，就可令客廳更有Style。
售價：約$48(d)
高身擺設有着落
尺寸：16.5×19cm
唔少魚缸擺設都係一啲高身嘅海草又或是七層塔之類，細魚缸較難放得落。所以呢個罕見的三腳鼎魚缸就啱晒，佢有19cm高，放擺設都較易。
售價：約$48(d)
方桶式濾水器效能大
雖然頂置式濾水器比較慳地方，但過濾效能卻比不上方桶式過濾器。法國Rena的XP1濾水器，擁有750L/H流量，由60-180L的魚缸都啱用，噪音量亦較小。再加埋2年保用，濾水器中甚為罕有。
售價：$450(c)
迷你濾水器照加炭
如果你想找高效能的迷你濾水器，呢款Eden316絕對係首選。雖然佢Size細細，但卻擁有240L/H流量，更加入活性炭過濾，保證魚仔有清潔環境。
售價：$80(a)
透明設計方便檢視
比較中型的過濾器，流量達300L/H，就算18-24吋的魚缸都應付得來。優點係一插即用，放在缸側非常方便。外形亦具流線型，透明設計方便檢查過濾情況。
售價：$200(d)
售賣點
(a)就記水族（23936299）
旺角通菜街167號地下
(b)魚人碼頭（27876028）
旺角通菜街151號地下
(c)海洋世界（23818382）
旺角通菜街207號地下
(d)棠記水族（31884955）
旺角通菜街132號地下
細燈四圍都夾得
一般頂置式光管，唔係款款魚缸都啱用。呢支5W的Tetra燈，，以側夾式設計，只要魚缸有直邊就夾到，方便到極。
售價：$88(a)
防濺水設計
魚仔有時都會跳出水面，有可能令器材沾水，引起危險。呢支Takano11W燈，就採用防濺水設計，而且用上自然節能光管，安全又慳電。
售價：$85(d)