Cookies近日改走性感路線，想不到身材也起異變，成員Theresa前晚在會展演出時，上圍突然升cup，又被隊友Miki踢爆她經常頭暈嘔吐及食量大增，不過Miki摸過Theresa胸部後，證實是扁的。
梁詠琪、Cookies、許志安、Twins、鄭希怡（Yumiko）、傅珮嘉及Boy'Z等，前晚在會展演出「型造自己大派對」。Cookies自轉走成熟性感路線後，每次出現都穿背心短裙大跳辣舞，前晚只見成員Theresa身材有異，上圍比前豐滿，連隊友Miki及Stephy都忍不住取笑她，不過Miki卻說：「我摸過佢，都係扁嘅。」
而Stephy則謂：「我都𢭃過佢呀，但佢平日都話自己冇㗎。」Theresa聞言即一臉尷尬，Miki繼續道：「你今日係咪好有自信呀？」Theresa只好說：「全世界都知我冇㗎啦，間中一兩日咁着都OK。」
後來Miki又踢爆Theresa近日經常頭暈嘔吐又狂吃東西，看似懷孕，Theresa對此笑說：「我一日喺屋企食完兩碗飯就瞓咗，重冇人叫得醒我，嚇到我啲屋企人想報警，後來我醒時見全部人都圍住我呀。我食滯咗，啲感冒都未清。」Miki拍過墮胎戲，可以向Theresa教路，但她卻說：「佢今次試咗，下次有經驗教我就真。」
Yumiko表示日內會到北京拍劇，提到今晚六合彩頭獎派彩七千多萬元，她說：「我要攞同事啲三圍數字去買，中咗畀番利是佢哋，我自己冇度三圍，會用生日日期買。」
Yumiko還幻想中獎後，成立慈雲山鄭烈瓊慈善基金，她說：「我會將慈雲山變成渣甸山，我住慈雲山一號，不過我試過最叻中三獎。」
採訪：李珮洳 攝影：葉君海
