森下千里潮著Crossover波鞋

日本性感女星森下千里，雖然平日多數以性感水着寫真嚟冧fans，不過原來佢平時大多數以T恤牛仔褲襯波鞋嘅casuallook示人。最近佢就為最新一期日本雜誌《sabra》親身示範多款今期最潮嘅波鞋。

愛大腳板男性
森下話最鍾意啲腳板大嘅男性，所以連對方着乜鞋佢都會好留意。佢話着鞋唔止要着得舒服，外形都一樣咁緊要。因為就算着casualwear，只要襯番一對型仔嘅波鞋，即時成個look潮晒。好似佢以一套簡單嘅運動裝，嚟襯佢腳上嗰對要成七千幾蚊港紙嘅HERM嬛波鞋，當堂成個人唔同晒。

鍾情名牌波鞋
而森下重話佢同香港時下嘅年輕人一樣，無法抗拒crossover波鞋。所以呢排佢最鍾意呢對JILSANDER×puma嘅hi-cut波鞋，重特別換上一條黑色熱褲，大騷美腿之餘，順便畀人睇清楚佢對靚鞋。
另外，講到呢期森下嘅最新目標，當然係呢對墨綠色價值約二千六百港紙嘅pumabyMIHARAYASUHIRO嘞。