梁思浩和朱茵昨日在荷里活廣場為仁濟義賣月餅，梁思浩透露每年跟苑瓊丹均會以成本價購買月餅送給老人家，但今年竟有人冒充他們的名義向金龍船拿了一百五十盒月餅，事件被揭發後，金龍船方面已經報警。
梁思浩說：「今年我去訂餅時先知呢件事，有TVB職員冒認我哋，啲餅已經俾人攞咗，照計呢個人應該好熟悉我哋每年嘅程序。」而無綫外事部助理總監曾醒明回應說：「唔係TVB以佢哋兩個嘅名義攞餅，可能係個別人士識得佢哋，所以乘機啫，我哋好支持佢哋送官究治。」
提到昨日立法會投票朱茵說：「我屬於九龍東，我知道啲候選人好活躍，我有留意佢哋嘅政綱同過往嘅政績，年齡亦係考慮因素，後生啲做嘢醒啲有魄力啲。」