上星期韓國揭發咗有幾個職業棒球手涉嫌行賄他人嚟逃避兵役嘅醜聞，令男星宋承憲都受到牽連！有韓國報章話𠵱家警方掌握咗一張非法逃避兵役者嘅名單，當中重有位二十八歲嘅宋姓藝人，指佢喺九九年涉嫌行賄中間人，嚟獲得免除兵役。有報章更訪問咗呢位𠵱家身在澳洲拍音樂錄影帶嘅宋姓藝人經理人㖭！據知宋承憲早排為咗拍新劇而飛咗去澳洲，唔怪得佢惹嚟網友懷疑啦！