澳洲名模艾麥菲遜（ElleMacpherson）親自設計嘅內衣品牌，之前咪拍咗個喺鎖匙洞度偷窺人嘅廣告嘅，𠵱家新廣告又推出，今次更搵嚟一位身穿性感內衣嘅模特兒喺鏡頭前又磨刀又抹血。早排呢個廣告喺澳洲合家歡時段播出，嚇親唔少細路，更收到一大堆家長嘅投訴信，稍後呢個廣告會喺英國播出，但就被規定夜晚九點鐘之後至出得街，咪嚇親街坊咁話！