選舉期間唔少人四出搵候選人陳年舊事出嚟大做文章，八方都收到唔少呢啲別有用心嘅「材料」，最新一份係有關新界東「鑽石名單」湯家驊大狀，份材料極之「堅」，八方睇完都嚇咗一跳。
份資料係三十年前嘅剪報，報道當年四名香港大學法律系首屆畢業生參加倫敦大律師資格考試攞到勁好成績，其中湯家驊最威水，獲一級榮譽，報道指湯大狀獨佔鰲頭為香港人「揚威異域」，連政府新聞處都出新聞稿宣布。
報道重有湯大狀其他威水史，原來佢七二年獲港大法學士一級榮譽畢業，同時攞埋李福善金章獎去英國留學。
另外，湯太果然言出必行，支持湯狀到底，佢日前陪大狀去將軍澳洗樓，非常勇猛，連助選團都表示敬佩，真係巾幗不讓鬚眉也。
傳真︰2623-9278
電郵︰