早前香港舉辦咗一個紀念鄧小平一百歲嘅展覽同活動，展出唔少好有歷史價值嘅照片，亦出畫冊，好多較敏感嘅領導人好似劉少奇同胡耀邦都重現眼前，趙紫陽就仍然係禁忌。有老愛國之稱嘅雲大棉就認為，鄧小平雖然對中國嘅改革開放有好大貢獻，如果冇咗胡耀邦嘅開放思想，鄧小平嘅改革步伐一定唔敢踏出咁大步，所以佢覺得喺紀念老鄧之餘，一定不可不提胡耀邦。
雲大棉出名同老董對着幹，當年曾經大力支持吳光正參選第一屆特首，最近又推崇馮國經做老董接班人，佢話自己推介得嘅都有番咁上下，吳馮兩人第三屆都重好有機會跑出，咁八方都唔敢睇小已故船王包玉剛女婿吳光正嘅機會，你喺展覽睇吓老鄧見包玉剛嘅照片，就知兩家交情如何深厚，吳光正幾唔簡單啦。
傳真︰2623-9278
電郵︰