陳小春前晚往紅館祝賀劉德華第一百場演唱會時，公然向性感女舞蹈員揩油。事緣華仔在台上介紹性感舞蹈員阿珂時，因阿珂不諳廣東話而一臉茫然，小春即向華仔說：「佢唔識講，我嚟同佢講，不如介紹我識佢呀。」
華仔聞言便笑着拖小春走近阿珂，小春即攬着阿珂拍照，又作狀欲親吻靚女。後來小春表示很羨慕華仔，望能有他一半身家，華仔說：「好易啫，你學我一啲朋友咁，好快就呃晒我一半身家㗎。」
小春昨日在伊館出席港台活動時說：「我講笑啫，我想示愛都唔會萬幾人面前啦，我攬佢（阿珂）都係好gentleman。」小春又否認曾踩田亮，他說：「佢係國寶，我只不過係當舖，我點敢踩佢呀。」
採訪：王連連