劉德華前晚舉行他在紅館的第一百場演唱會，每位入場歌迷獲贈綠茶一同舉杯。華仔請來大班老友到場慶祝，又接受林建岳等演唱會主辦人的加冕，十足奧運選手得金牌一樣。
前晚是劉德華在紅館舉行的第一百場個唱，各地歌迷都到場為他慶祝，大會在門外派發綠茶，其間因有觀眾搶飲品，一度暫停讓觀眾入場。不少歌迷一早帶備禮物送給華仔，又在場內玩傳大旗遊戲。
演唱會至安哥時，華仔一班好友包括鍾鎮濤、陳小春、吳君如、杜汶澤、黃日華、苗僑偉及鄺美雲等上台為他慶祝，眾人逐一祝賀華仔。「三虎」黃日華、苗僑偉及湯鎮業送了一部相機給他，說要留待華仔結婚生仔才能用。
君如則表示待華仔一百歲生日時要為他做大壽，華仔說：「如果我真係一百歲，我一定約番大家喺呢度一齊玩。」鄺美雲則謂：「阿彌陀佛，慧果師兄，我覺得你今日比金牌選手更金，係我哋中國人的驕傲。」
不過最搞笑莫過於演唱會主辦人林建岳、張耀榮及陳達志（Ba叔）等上台為華仔加冕，替他戴上金牌和橄欖桂冠及頒錦旗，華仔有如奧運金牌選手一樣，興奮得不停要求工作人員為他拍照，又披着錦旗繞場跑圈。眾人切蛋糕時，華仔又與現場萬多觀眾一同舉杯，場面壯觀又熱鬧。
後來華仔與拉丁舞高手黃蕊重施拉丁舞技，博得全場掌聲。華仔又說：「今晚第一百場，好多好朋友都嚟咗，我堅強咗咁多年，之前我控制唔住情緒喊，好多朋友打嚟問我係咪健康有問題，有不可告人嘅病。」觀眾聞言隨即大笑，華仔說：「聽到你哋笑我就放心，我冇病，我喊係因為你哋令我好感動。」
前晚華仔個唱於昨日凌晨十二時正式完場，因超時十五分鐘而被紅館方面罰款三萬多元。
此外，華仔昨日接受商台電話訪問，主持問他有否考慮像許冠傑般再加場？華仔說：「我都想開嘅，不過我之後要做巡迴。」
