前日韓國觀光公社特別搞咗個「韓流館」嘅展覽，展出咗二十四名韓國明星嘅相片同手印，其中當然有師奶殺手裴勇俊份啦，所以當日吸引咗大批俊哥嘅fans去參觀，佢哋重特別喺《冬季戀曲》嘅海報前拍照留念。另外，俊哥又將會為日本電訊公司KDDI拍廣告並擔任新代言人，宣傳國際漫遊服務，而新廣告將會本月尾喺日本播出。