康體局同恒生銀行噚晚喺恒生頂樓宴請今屆香港奧運健兒，同時舉行埋頒獎儀式，恒生副董事長鄭海泉自己都好鐘意打乒乓波，所以頒贈一百二十萬元獎金畀兩位奧運銀牌得主高禮澤同李靜嘅時候，佢最開心。
而為咗額外表揚七位喺今次奧運中，攞到第四至第八名或晉身八強嘅運動員，恒生銀行重特別向佢哋頒贈合共三十七萬元現金獎，珊珊亦有出席頒獎禮。香港女飛魚Wilson小姐就由於係一百米泳賽打破香港紀錄，亦獲贈特別獎金一萬元。
啱啱做咗馬會董事嘅康體局主席許晉奎當然要多謝恒生支持，而霍震霆就回憶當日乒乓球勝出，佢已冇晒感覺，直至見到區旗升起就好感動。
（圖）乒乓孖寶李靜（左）同高禮澤（右）獲頒百二萬支票，回贈簽名波板，你睇霍震霆、鄭海泉同許晉奎收到幾高興。
拼勁高昂雄心壯（參肚燕窩羹）
奧運精英勇爭先（蟹拑蒸蛋白）
矯如游龍英姿颯（清蒸東星斑）
奮發求進邁向前（干燒明蝦球）
百折不撓凌霄志（南乳吊燒雞）
力爭上游鬥志堅（崧子三文魚飯）
連締佳績勵港人（蓮子蛋白杏仁茶）
北京再聚展輝煌（美點雙輝）
傳真︰2623-9278
電郵︰