為咗要落實「取諸社會、用諸社會」嘅承諾，新鴻基地產由九七年起，每年都有頒發獎學金，畀啲優秀嘅學生供讀中大工商管理碩士MBA課程，為商界培育人才，提升香港嘅競爭力。
啲大地產商每年喺香港搵咁多錢，回饋吓社會係應該同值得稱讚嘅，新地副主席兼董事總經理郭炳聯為隆重其事，噚日重同今年六位獎學金得主會面，勉勵一番。
郭太子話佢好支持終身學習，重認為每個人都必須自我提升同不斷學習，掌握世界發展趨勢，不斷尋求創新，將新知識應用喺工作及業務上，先至能夠開拓新境界。新地咁成功，郭太子做人心得實在值得大家參考學習。
（圖）新地董事總經理郭炳聯（前中）勉勵身後六位獎學金得主。
傳真︰2623-9278
電郵︰