江欣慈和二十二歲的西班牙籍男模在《體味》MV中，有不少親熱場面。男模赤裸上身兼戴上乳環，與阿慈互索對方的體味，場面香豔。
江欣慈的新碟將於下月尾推出，日前她在柴灣工業城拍攝新歌《體味》MV，穿上特別定做黑色性感迷你裙的阿慈，與赤裸上身兼戴上乳環的二十二歲西班牙籍男模有不少纏綿鏡頭。
阿慈表示為配合新大碟而化身唱作妖女，她說：「呢隻碟入面嘅歌曲全部都係我自己作嘅，今次會比較激同多啲電子音樂，通常啲唱作歌手嘅打扮，畀人嘅感覺都係較為平實，我想話畀大家知唱作歌手都可以形象多變。」
阿慈自言已甩拖多時，亦不介意與男模有親熱鏡頭，她說：「個模特兒係姐夫幫我搵嘅，因為首歌係講嗅覺，所以要互相聞對方嘅身體氣味。」
外貌帶點西洋味的阿慈和男模拍攝面貼面的鏡頭時，被工作人員笑指很似樣，當不用埋位時，男模更拿出相機和阿慈合照，猶如小fans般。
阿慈說：「呢個男模真人個樣好fresh，好上鏡，佢喺西班牙都係做model，所以好專業，不過佢有嘢做先會嚟香港，好快就會返西班牙。」
此外，阿慈拍攝《我怕》MV時，要躺在浴缸拍攝，表達孤獨和害怕的感覺，她覺得這個構思很特別，更大讚導演很有創意。
採訪、攝影：卓美娟
