森美前晚出席新片首映時扮新郎迎娶九美女，盡享齊人之福。多位女星中，森美對Stephy情有獨鍾，並認定對方是一位賢妻良母；論最省鏡，他首推樂基兒。由於眾女穿得較密實，穿透視婚紗的田蕊妮成功搶鏡。
森美首次擔正做主角的電影《甜絲絲》前晚在銅鑼灣舉行首映禮，一身新郎禮服的森美與九位「新娘」Stephy、樂基兒、田蕊妮、官恩娜、Kary、董敏莉、吳日言、黃伊汶和關之彤，分別乘坐名貴房車到達戲院。森美一拖九女外，楊千嬅與鄭中基又前後腳現身撐場。
森美形容自己有九個老婆比有七個老婆的韋小寶更威水，並即場讀愛的宣言，首映禮猶如婚禮。森美說：「心情好緊張，好似真係自己結婚一樣。幾個女仔中我覺得樂基兒最索，有眼前一亮嘅感覺；田蕊妮件婚紗就最靚。不過真係揀老婆，我會揀Stephy，因為佢識煮飯，又唔出街玩，好乖女，係一個好太太。」
九位女角中以田蕊妮的透視露腰婚紗最性感，田蕊妮說：「件婚紗唔係我揀，試身時得我自己一個，之前重以為其他女仔都同我一樣咁性感。我唔介意比人更性感，因為着住件婚紗畀男仔讚，先知道原來我都重得㗎！」
此外，Cookies的Miki穿上胸圍圖案T恤示人，十分搶鏡，她說：「我唔覺得比主角搶鏡，平時都係咁着出街。」Miki與楊千嬅有份主演的《三更２》在威尼斯影展上映時，有觀眾看了Miki墮胎及千嬅食餃子一幕感到惡心，千嬅說：「咁咪成功，部戲係反面教材，叫人唔好亂搞性行為，搞大個肚有咁嘅後果。」
