薛家燕（好姨）近日為一腳部按摩器任代言人，廣告商本欲邀請其兒女客串演出，但因要到馬來西亞拍外景，好姨的子女參加了暑期班未能抽空，最後惟有安排一對冒牌子女上陣。
好姨說：「我都覺得佢哋好似，佢哋嘅笑容都好燦爛。」問到好姨可會與一對「冒牌子女」上契，她說：「暫時唔會住，但明年暑假或者會邀請佢哋嚟香港玩。」好姨又透露平日因工作過勞容易失眠，她說：「有時我都會做足部按摩鬆弛一下，𠵱家有部機就方便好多。」
此外，好姨將出席後天（周日）舉行的足部按摩器宣傳活動，屆時香港乒乓孖寶李靜與高禮澤亦會到場，好姨說：「可以同佢哋一齊出席，心情當然好興奮、好期待，真係好想一睹佢哋嘅風采。」
採訪：比華利